जीव बेलबासे । लण्डन । गैरआवासीय नेपाली संघ युकेको पांचौ अबिधेशन सेप्टेम्वर १५ तारिक आइतवार इष्ट लण्डनमा हुने भएको छ । यस अघि सेप्टेम्बर ९ तारिक हुने भनिएको अधिवेशनलाई शनिवार अल्डरशटमा बसेको बैठकले नंया मिति तोकेको हो । एनआरएन युकेका अध्यक्ष कुल आचार्यको सभापतित्वमा सम्पन्न बैठकले  निर्वाचन समितिको प्रमुखमा एनआरएनएका केन्द्रीय प्रबक्ता डा हेमराज शर्मा रहेको एक निर्वाचन समिति गठन गरेको छ । समितिका अन्य सदस्यमा एनआरएन युकेका पूर्व अध्यक्ष् मेजर रिटायर्ड डमर घले एमबीइ, डा कृष्ण अधिकारी, भक्त गुरुग, कृष्ण भट्ट, शुभास अधिकारी र टुका क्षेत्री छन ।  बैठकले निर्वाचनको पर्यवेक्षण गर्न निर्वाचन पर्यवेक्षण समिति समेत बनाएको छ । समितिमा एनआरएन पूर्व अध्यक्षद्धय, महन्त श्रेष्ठ, सुर्य गुरुग, डा राघब धिताल, एनआरएनए संस्थापक सहसंयोजक चिरनजीबी ढकाल,सोलिसिटर, राजु थापा, श्री लिम्बु, निना गुरुग छन । 

बैठकले आगामी साधारणसभामा भाग लिन चाहानेहरुलाई अगष्ट १७ तारिक भित्र गैरआवासीय नेपाली संघ बेलायतको सदस्यता लिन बेलायतबासी नेपालीलाई आब्हान गरेको छ । 

बैठकले एनआरएन अन्तराष्टि्य पत्रकारीता पुरस्कार सम्बन्धि नियमावलीलाई समेत पास गरेको छ । नियमावली अनुसार विदेशमा बसेर कलम चलाउने एक जना पत्रकार वा संस्थालाई र नेपालबाट गैरआवासीय नेपाली संघको उत्थानका लागि कलम चलाउने संस्था वा ब्यक्तिलाई जनही १ लाख १ रुपैंयाले पुरस्कृत गरिने भएको छ । सो पुरस्कार गैरआवासीय नेपाली संघको अन्तराष्टि्य सम्मेलनको अवसर पारेर हरेक दुई दुईमा प्रदान गरिने छ । नियममावलीले पुरस्कारका लागि अक्षय कोषको संचालन गर्न बिषेश समितिको ब्यवस्था गरेको छ । यस अघि नेपाल पत्रकार महासंघ बेलायतको सकृयता तथा एनआरएन युकेको पहलमा करिब १६ लाख रुपैयाको अक्षयकोष स्थापना गरिएको छ । 

बैठकमा गैरआवासीय नेपाली संघ बेलायतका कोषाध्यक्ष दिलराज गुरुगले आर्थिक प्रतिवेदन पेश गरेका थिए भने गैरआवासीय नेपाली संघ युरोपका संयोजक लक्ष्य बहादुर गुरुगले छौठौ युरोपियन बैठकको तयारीका बारेमा जानकारी गराएका थिए । बैठकमा कार्यसमिति सदस्य संगिता मरहठ्ठाले युरोपीयन महिला सम्मेलनको बारेका जानकारी दिइन । बैठकमा सुरेन्द्र श्रेष्ठले गौतम बुद्धको मुर्तिलाई हेग स्थित अन्तराष्टि्य न्यायालयमा राख्ने सम्बन्धमा जानाकारी दिए । बैठकमा नेपाली दूतावास भवन लण्डन बचाउ अभियानको बारेमा पूर्व अध्यक्ष् एवम दुताबास बचाउ अभियान समितिका संयोजक मेजर रिटायर्ड डमर घलेएमबीइले आज सम्म भएको प्रगतिको बिवरण पेश गरेका थिए भने दुताबास बचाउ अभियान समितिको आजै बसेको बैठकबाट  नेपाली दूतावास भवन बचाउनका लागि हस्ताक्षर संकलन गर्ने निर्णय समेत गरेको र आजैबाट  हस्ताक्षर संकलन सुरु भैसकेको कुरा जानकारि गराएका थिए।  

गैरआवासीय नेपाली संघका केन्द्रीय प्रबक्ता डा हेमराज शर्माले एनआरएनए छौठौं अन्तराष्टि्य सम्मेलनको तयारी तथा संघका गतिविधीका बारेमा  बैठकमा प्रकाश पारेका थिए । 

बैठकले गैरआवासीय नेपाली संघ बेल्जियमकी अध्यक्ष जानकी गुरुग र पूर्व अध्यक्ष युवराज गुरुगलाई स्वागत गर्यो । बैठकले आगामी जुलाई महिनामा हुने च्यारिटी डिनरलाई सफल पार्न सबैलाई आब्हान गरेको छ । बैठकको संचालन एनआरएन युकेका महासचिव रामशरण सिमखडाले गरेका थिए । बैठकमायुरोपका संयोजक,एनरएनए आइसिसी सदस्यहरू, सल्लाहकारहरु लगाएत कार्यसमितिका अधिकांस सदस्यहरुको उपस्थिती थियो ।

Download the file from following link.

दुताबास बचाऊ प्रेश बिज्ञप्ती